ភ្នំពេញ៖ គណៈមេធាវីនៃព្រះរាជាណាចក្រកម្ពុជា បានជូនដំណឹងដល់សមាជិក-សមាជិកានៃគណៈមេធាវីឱ្យបានជ្រាបថា កាលពីថ្ងៃទី៨ ខែសីហា ឆ្នាំ២០២៤ ក្រុមប្រឹក្សាគណៈមេធាវី បានប្រជុំ និងបានចេញសេចក្តីសម្រេចលេខ៥៧៩/សសគម/២៤ ចុះថ្ងៃទី៩ ខែសីហា ឆ្នាំ២០២៤ ដោយទទួលស្គាល់បេក្ខជនឈរឈ្មោះបោះឆ្នោតជ្រើសតាំងប្រធានគណៈមេធាវី អាណត្តិទី១៥ (២០២៤-២០២៦) ចំនួន៥ (ប្រាំ)រូប ដែលមានឈ្មោះនិងលំដាប់លេខរៀងក្នុងសន្លឹកឆ្នោតដូចតទៅ៖
១. មេធាវី សាំង វណ្ណៈ អត្តលេខ ៣៥៧ លេខរៀងទី១នៃសន្លឹកឆ្នោត។
២. មេធាវី សេង រួចហ៊ុន អត្តលេខ ២៧៣ លេខរៀងទី២នៃសន្លឹកឆ្នោត។
៣-មេធាវី ព្រហ្ម វិចិត្រអក្ខរា អត្តលេខ ៥៧៦ លេខរៀងទី៣នៃសន្លឹកឆ្នោត។
៤-មេធាវី សេក សោភ័ណ អត្តលេខ ៨១៧ លេខរៀងទី៤នៃសន្លឹកឆ្នោត។
៥-មេធាវី រុន រ័ត្នវាសនា អត្តលេខ ១៣២១ លេខរៀងទី៥នៃសន្លឹកឆ្នោត។
សូមបញ្ជាក់ថា គណៈមេធាវីនៃព្រះរាជាណាចក្រកម្ពុជា នឹងរៀបចំការបោះឆ្នោតជ្រើសរើសប្រធានគណៈមេធាវី អាណត្តិទី១៥ (២០២៤-២០២៦) និងសមាជិកក្រុមប្រឹក្សា គណៈមេធាវីអាណត្តិទី១១ (២០២៤-២០២៧) នាថ្ងៃទី១៦ ខែតុលា ឆ្នាំ២០២៤ ខាងមុខនេះ៕
